دورة الإحصاء ..

الكورس الصيفي الأول والأخير بإذن الله .. كنت مضطره اني آخذ مادة إحصاء (( رياضيات )) ..

وقلت لازم لازم لازم ما اطوف ولا محاضره .. واركز عدل بالمحاضره .. واقعد اول وحده ..

المهم المحاضره كان وقتها 9:20 الصبح ..

ولان صيفي بالضبط بالضبط تبدي المحاضره على طوول ..

المهم دااومت .. انصدمت من اللبس الغريب صراحه .. ضاق خلقي ..

الصيف يخلي الناس تين جذي ..

على بو انه حر .. لا نلبس احسن .. والله شي يعور القلب ..

طبعا بالمحاضره عيوني مبطله @@ .. مجهزة القلم والنوت .. والآله الحاسبه .. لووول حدي مجتهده ..



وانا طالعه .. اسمع .. اييي اناا سجلت دوره احصاء ..

P: الكل يقووول هالكلمه .. قلت هذي دوره ولا سحر اللي الكل ياخذ A بالماده بسبتهاا ..



سجلت الدوره ..



اهيا تبدي من 5 المغرب لين 8 بليل .. بالجامعه ..

طبعا ما كنت ادري انها مختلطه .. شباب وبنات ..

مجهزين لنا طااوله فيها ككاو .. وليز وهالسوالف ومااي وعصير لووول

ومااا حطولنا الا استاذه ما تقول كلمه الا وقالت بدليه هالكبر ..

والشباب طبعا كاااااااااااااااااك .. والبناات ما قصروا بعد ...



صرااحه حرااام كسرت خااطري .. واايد ضغطووها بعد عمري .. وثاانيا عييب اهيا كبيره ..



المهم عندناا برييك نص ساعه نطلع ..



ف عندنا نافوره كبيره بره ع الارض .. والبناااااات استخفوا .. صراااخ واللي تدز الثاانيه واللي دااشه بالنافوره يعني شوفوني ..

صراااحه هم عيييب .. الشباب ما سووا جذي ..



والله كل ماله ونشووف اغرب واغرب ..



الله يستر علينا وعليكم من هالزمن .. او بالاحرى الزمن مافيه شي (( من هالناس )) ..